Ko e 'uu taa pe 'ena ki he fale ko Petani mo e faka'ai'ai atu 'a e ngaahi fiema'u ki he 'etau project ke 'aonga ki he Kolisi Lolotonga fou 'i he fakalelei'i 'o Petani fakatatau ki he ngaahi faka'amu 'a e Pule-Ako lolotonga.
Mahalo ko e 'ata ena 'o Petani 'oku tau angamaheni he sio ki ai. Ko e tomu'a 'oku ngata ki he tau'ainga me'alele 'a e Kolisi 'a ia 'oku tau ai 'a e loli mo tuku mai ki ai 'a e tokonaki ma'ae kai 'a e ako-nofo mau.
'Ae fale fotunga fale Tonga mo hono ngaahi tanaki.
Ko e mosquito netting ki he ngaahi louvre kuo 'osi fakafo'ou eni pea ko e hoko atu 'eni 'a e sio mo e fakatokanga ki ha ngaahi toe me'a 'e lava hoko atu ki ai 'a e tokoni.
Ka ko Petani 'eni ia kuo hoko ki mu'a pea hoko ki mui. 'Aia ko e hoko ki mu'a ko e ongo loki mohe 'e ua mo e hallway he vaha'a 'o e ongo loki pea ko e hu atu foki ia mei mu'a ki he fale Tonga motu'a, kuo hoko he taimi ni ko e fo'i loto fale pea mo e konga 'e taha ko e ki'i loki.
Ko e sitepu ko 'eni he tomu'a 'o e la'i taa ne kaka ia ki he fale ne fa'a nofo mai ki ai 'a e kau Sipoti ka kuo holoki 'a e fale ia ko ia he motu'a pe 'a e papa mo e fakahuu 'e he pule lolotonga 'a e kau sipoti ke nau kau fakataha mo e ako nofoma'u 'i he ngaahi polokalama 'o e kolisi kau ki ai 'enau mohe pe ki he ngaahi loki mohe ma'ae ako nofoma'u.
Ko e hoko ki mui 'oku tu'u ki ai 'a e indoor bathroom (toilet & shower) ki he tafa'aki 'e taha pea mo e loki ki he tafa'aki 'e tahaa.
'Aia ko e bathroom 'oku ki he tafa'aki 'o hala pe ko e 'api 'o e Tokoni Pule (Mary T)
Ko e tafa'aki mai ko 'eni ki he to'ohema 'o e taa 'oku 'iai 'a e fale ia ai ne fa'a tuku ki ai 'a e naunau ifi 'a e Kolisi ka 'oku 'ikai ke fu'u mahino pe ko e ha 'a e naunau 'oku lii ki ai.
Kuo motu'a foki 'a e fale, pea ko e sio eni mei tu'a ki he matapaa sio'ata / louvre ki he fale Tonga mei he tafa'aki 'o e 'api 'o Mary T.
Fakatokanga'i 'a e palopalema / mahaki 'o e ki'i fale takai kotoa kuo vave ange 'a e popo 'o e ngaahi papa ki lalo 'o e holisi tupunga pe mei he anga 'o natula mo e pipihi hake 'a e vai he 'uha.
Ko e 'ai 'eni ke fai ha talanoa fakalelei mo e pule pe 'oku fu'u fiema'u feefee fau 'a e hiapo etc. 'oku 'atakai'i 'aki (vaoa) he 'api pe 'e lava ke ki'i cleaner'i.
Ko e sio atu 'eni ia ki he matapaa mu'a.
Na'e toki lava pe 'eni 'a e kosi 'a e 'api he tamaiki pe ne fekau ki ai 'a e pule, ka ko e si'i hoa 'o Mele Nau (Finau) kuo tu'utu'uni ki ai 'a Mele ke ne takai mai mo ha trimmer ke fakalelei'i 'a e toenga.
Ko e toe ki'i close-up 'ena 'o e natula 'o e matapa mu'a, 'asili ai he ko e matapa ni ko e ngaahi matapa ia ki loto fale (hollow-door) pea fepaki lahi ia mo e toutou tolo 'aki 'a e 'uha.
Ko 'etau foreman 'ena Silaiti K. Palu pea mo e taha 'ena kau ngäue (Fonua carpenter 'a e PCV.) 'Oku nu mai 'a Silaiti mei fale ki he ki'i walkway he vaha'a 'o fale pea mo e Kitchen/Training Room.
Ko e holisi tu'a 'ena 'o e Kitchen/Training Room pea ko e 'asi 'ena 'o e toenga 'o e ngaahi exhaust vents ki he ngaahi 'ovani faka-e-onopooni.
Ko e ki'i fale hina kasa 'ena ka kuo te'eki a'u ki ai 'a e timi savea ke fai atu ha lipoooti.
Ko e Kitchen 'ena ko e sio pe mei he'ete huu atu ki loto, 'a ia ko e holisi 'ena ki he 'aa mo Vaiola Motu'a.
Lahi pe 'a e ngaahi me'a ia ke fakatokanga'i, kau ki ai kuo 'osi homo homo 'a e ngaahi hinges ia 'o e 'u kopate, pea ko e ngaahi shelves ia 'i loto kuo loa 'e tali ui ia 'a ni'ihi ketu pe ee ni'ihi.
Fakatokanga'i ange ko e microwave 'oku fai 'aki 'a e ako mahalo ne tu'uta fakataha mai mo Captain Cook mo e Titanic pe ko 'ene tu'u ko ee ne toki maumau ni pe ne maumau pe ia he mali 'a Salesi mo Taiana ka e kei tuku fakafofonga museum pe.
Ko e tafa'aki 'eni 'o e Kitchen ki Fale.
Manatu mai ki he ngaahi papa hifi kiki. Ko e konga ki mui atu ko e tu'u 'anga sitou ia pea 'e taa'i 'a e kau faitaa ke faitaa ke kakato, mahalo ko e sitou 'e 4 pe 5 he tafa'aki ko ia ka kuo te'eki ke ma'u mai ha taha na'e cook ke nau vakai ki he tu'unga 'o e me'a ni.
Tau hü aa ai ki Fale
Na'e extend foki 'a Petani ki mu'a, 'o tanaki mai ai leva ha loki mohe 'e ua. Ko e loki mohe 'eni ia ki he hema 'o e fale pe ko e tafa'aki ki he 'api faifekau.
Ko e 'aofi 'o e closet ia kuo loa ee kai he loo he ko e chip-board foki pea ko e pamu tautau'anga vala 'ena ia 'oku 'asi mai 'i tu'a hange ha tautau'anga puipui.
Ko e anga pe 'ena ia 'o e fakapuipui 'o e tufitufi momo kuo na natula / kainga kehekehe 'aupito.
Ko e mohenga ia ko e malo pe 'a e frame palangi ia ka ko e ngaahi kongokongo papa tanaki mai ia mei he 'u langa kehekehe 'o hili holo ke takitaha ha'u pe mo 'ene la'i rubber ke tokoto ai.
Ko e loki mohe 'eni ia ki loto 'api ako.
Ka kuo pukea 'a e fefine faitaa ia he faitaa'i 'o e kopate kae tuku atu pe ha'amou fakakaukau ki he toenga 'o e loki, tahaa 'oku 'i ai ha me'a ia ko ha night table pe mirror pe ha me'a pehee.
'Oku 'iai 'a e lea Tonga 'oku pehee (mahalo ko e me'a faka motu pe ia) 'ilonga 'a e fefine'i fefine mei he 'ene toileti.
Tau huu aa ki ai ke tau sio ange ki he me'a 'oku fai ai 'a e akonaki'i mo e teuteu ee fefine Tonga mei Kolisi Kuini Salote.
'Oku fo'i maama 'e ua 'a e loki ni, ko e fo'i maama 'e taha 'oku share he toilet mo e shower pea ko e taha 'i he loki fanofano.
Ko e toe close-up 'ena 'o e loki kaukau, ko e ki'i 'aa puaka kapa pea na'e avangi mai pe 'a e fo'i ava 'e tolu he holisi. Ko e ava 'e taha ki he paipa 'i lalo, ava hono ua ke fakahumai ai 'a e controls ki he shower ('aia ko e cold-water pe) pea ko e ava hono tolu ke huu mai 'a e mata'i shower.
Mahino pe 'a e sai ange 'a e ngaahi mata'i shower 'i muli, ka kapau 'e mafana ha taha manatu'i ange ko e shower ke ne tali'i 'a e natula 'o e vaitupu 'o Tonga ni ('a e salt) pea 'oku 'iai pe 'a e mata'i shower ia ko e fa'ahinga 'o e bush shower-head.
Ko e tefito'i toilet ia ko e fakalanga lea, pea ke fakatokanga'i hake mei he ongo taa 'oku ki too ki lalo 'a e level 'o e poo mei he level 'o e fale. Pe ko e ha 'a e 'uhinga 'oku pehee ai 'a e me'a ni ka 'oku fakaoli mo ne fakafaingata'iai 'a e ngaahi fokotu'utu'u fakalelei 'e ni'ihi.
Ko e sink 'ena ki he fufulu nifo, wash hands etc. pea mo e basin ke fai ai 'a e nusi foo pe ko e haa 'a e ngaahi me'a ki ai (hange kia au ko e size tonu 'ena 'o e ngaahi tuku'anga vai ki he fakainu pulu?
'Oku lolotonga 'iai pe 'a e misini foo papalangi ka ko e toe kumi ee ha taha fai foo ke ha'u 'o vakai 'ae me'a ni.
Tau huu mai leva ki loto fale, pea ko e fefine 'ena ko Silaiti 'oku ne motolo mai 'a e fotunga 'o e loto fale, pea ka mou ma'u mai ha ki'i tamasi'i ke na partner pea feinga'i mai he vave tahaa.
Ko e la'i kapeti 'o loto fale, fakatatau ki he kotoa 'o e 'u loki kuo motu'a pea 'aonga ke fua pe 'e fiha hono fetongi ke vakai pe ko fee 'e lava fetongi pea fee 'e tuku.
Ko e taha pe 'ena 'o e ngaahi faka'ilonga ki he ngäue 'a natula. Ko e 'ato foki ko e 'ato kapa ('ilonga pe mei he taa mei tu'a) pea 'aofi 'a loto 'aki 'a e ngaahi teuteu fakatokanga ko 'ena 'oku 'asi he taa.
Ko e pango he kuo motu'a 'a e fale pea kuo ngäue 'a e ngaahi me'a 'e ni'ihi hange ko e kai he manu 'a e naunau ne fai 'aki 'a e 'aofi, pe ko e ngäue 'a e vai pe ko 'ene
Ko e taha pe 'ena 'a e ngaahi faka'ilonga 'o e motu'a 'o e naunau he kuo 'asi lelei mai pe 'a e kapa ia.
